كل شيء موثق بالأرقام والتواريخ. والدتك كانت حريصة إنها تتجنب سجنك في حياتها، بس سابت المستندات دي كدرع حماية ل مدام نادية وللجمعية الخيرية عشان ما تفكرش مجرد تفكير إنك تتلاعب بالقانون بعد مۏتها! طارق سقط على الكرسي من جديد، وكأنه أكل ضړبة قاضية على رأسه.

كان بيتنفس بصعوبة، ونظراته تائهة بين أرضية الصالة وبين الأوراق الرسمية الموثقة بختم النسر. المحامي الأستاذ سامح الټفت ليّ، وابتسم بوقار مدام نادية... مفاتيح بيت الحاجة فاطمة، وصندوق الخشب القديم، والمستندات الرسمية لحق الانتفاع بقت في حوزتك القانونية بدءاً من اللحظة دي.

والجمعية الخيرية هتبدأ تباشر أعمال الإشراف على صيانة البيت الخارجي وشجرة الياسمين بناءً على رغبة الحاجة فاطمة. أنا رفعت رأسي، ومسحت دموعي وقلت للمحامي بصوت ثابت رغم البكاء أستاذ سامح... أنا مش هاخد الذهب، ولا عايزة البيت لنفسي. أنا عندي بيتي ومستورة والحمد لله.

الأكثر قراءة الان

سر البدروممنذ شهرالكلابمنذ شهربابا ظهري بيوجعنيمنذ شهر

طارق رفع رأسه بسرعة بريق أمل زائف في عينيه، لكنني كملت كلامي بكل كبرياء الذهب والمجوهرات هيروحوا بالكامل لجمعية أطفال السړطان مع أصل الحساب البنكي عشان يتحقق حلم الحاجة فاطمة. وأنا هفضل حارسة على بيت الشجرة وعلى شجرة الياسمين، هرويها كل يوم وهسقي وردها زي ما كانت بتعمل بالضبط، وهيفضل البيت مفتوح لأي حد محتاج أو غريب، لحد ما ييجي اليوم اللي ربنا يجمعني بيها وأسرد لها إن الأمانة صانتها إيد أمينة.

المحامي بص لي بإعجاب شديد وهز رأسه باحترام ونِعم الأصل والمعدن يا مدام نادية.. الحاجة فاطمة ما أخطأتش أبداً في اختيارها. ثم الټفت لطارق وقال له بلهجة حادة اتفضل يا طارق... أظن مالكش أي تواجد هنا بعد النهاردة. ولو حاولت تظهر في الشارع ده تاني، التقرير المالي هيروح للنيابة فوراً.

خرج طارق من الشقة وهو بيسحب رجليه بالعافية، يجر أذيال الخيبة والعاړ والندم، بعد ما اكتشف إن الجشع -والأنانية طيروا منه كل حاجة أمه، وماله، وبيته، وحتى ذكراه الشريفة في عيون الناس. تمر الأيام والشهور... وبقى الشارع القديم أهدى وأجمل.

كل يوم الصبح، بخرج من باب بيتي، وبفتح باب بيت الحاجة فاطمة. بمسك خرطوم المية، وبروي شجرة الياسمين الكبيرة اللي على الباب، المية بتجري على درجات السلم الحجرية القديمة، وريحة الياسمين بتملأ الشارع كله وتوصل لحد آخر الحارة.

الناس اللي معدية بقوا يقفوا ويسلموا عليّ ويقولوا الله يرحمك يا حاجة فاطمة... سيبتي بنتك وصاينه أمانتك. كنت ببتسم وببص للسماء الصافية، وأنا بحس بالرضا والأمان يملأ قلبي. عرفت وقتها إن الجنيه اللي بتدفعه في السر بنية صافية عشان تصون كرامة إنسان.

.. ربنا بيرده لك أضعاف مضاعفة سكن، وراحة بال، وحماية، وحبة خلق، وأثر طيب يفضل عايش في الدنيا بعد ما تفارقها بطول العمر.